Akitania Berria Euskadi Nafarroa Euroeskualdeak zuzenduriko mugaz gaindiko bidai-txartelak online saltzeko bideragarritasun azterlana eskuragai dago. Azterlana 7 txostenek osatzen dute, eta horietatik 6 argitaratu dira, hemen.
Azterlanak Transfermuga web gunearen baitan bidai-txartelen balizko salmenta-lehiatila baterako bideragarritasun teknikoa, juridikoa eta finantzieroa izan ditu xede, mugaldeko garraioetan bidaiarien esperientzia hobetze aldera. Lehenbizi, existitzen diren edo sortze-prozesuan dauden erraminta digitalen inbentarioa eratu da, Europako beste mugetako saiakuntza arrakastatsuenak Euroeskualdeko testuingurura ekarrita. Bigarrenik, salmenta-lehiatil bat abian jartzeak dakartzan arrisku, abagune eta baldintzak identifikatu ahal izan dira.
Taldearen aurkezpena
Azterlana burutzeko, Euroeskualdeak bulego ezberdinek osaturiko europar talde bat hautatu du. Partzuergoa Kisio Services & Conseil (bidai-txartelean adituak, bai eta gailu digitaletan ere), Seban & Associés (aholkularitza juridikoan adituak, modelizazio-ekonomikoak barne), eta Arbor, Tournoud & Associés (finantza-zuzenbidean adituak) gabineteek osatzen dute.
Txostenen deskarga
- Euroeskualdeko lurraldeko garraio publikoen eskaintzari buruzko informazio mugikorra duten gailuei buruzko azterlan-txostena.
- Europar Batasuneko mugaz gaindiko bidai-txartelen erosketa-sistemen erreferentziazko azterlan-txostena.
- www.transfermuga.eu web gunean eta sakelekoetan balizko salmenta-lehiatila martxan jartzeko oinarri terkniko eta interfazeak ardatz dituen azterlan-txostena.
- Aurrekontu- eta fiskalitate-oinarriak ardatz dituen azterlan-txostena.
- Soluzio digital ezberdinetarako bidai-txartelen salmentarako sistemen azterlan-txostena.
- Balizko salmenta-lehiatila martxan jartzeko ekintza-planaren azterlan-txostena.
