Gehiago (...)

Transfermuga.eu

12 ira , 2016   Video

Mugaz haraindiko joan-etorriak egin nahi dituzten herritarrek horiek gauzatzeko hainbat eskaintza dituztela oinarri hartuta, erabilgarritzat jo dugu eskaintza horiek guztiak plataforma bakar batean biltzea, guztiek ezagut ditzaten. Hortaz, lehenengo helburua informazioa da. More…

, , , , , , , ,

Bloga,Gaurkotasuna

Transfermugak Hegobus aurkezten dizue “1 € Biarritzetik mugaraino” 

26 abu , 2016  

hegobus

Zer da?

Nora doa?

Hegobus Hego Lapurdiko Hiriguneko sare berria da. Haren 10 lineekin, Donibane Lohizunera (1-3 lineak), Hendaiara (4 eta 5 lineak) eta inguruko herri guztietara joateko aukera ematen digu (20-24 lineak):

  • Ahetze
  • Ainhoa
  • Arbona
  • Azkaine
  • Biriatu
  • Ziburu
  • Getaria
  • Senpere
  • Sara
  • Urruña

Informazio gehiago: planoa eta ordutegiak

Zenbat balio du?

Linea horietako txartelak 1 € balio du. Autobus barruan erosten da, eta, txartel batekin, sareko zerbitzuak ordubetez erabil daitezke. Txartel arrunta eta eguneko bonuak autobusean erosten dira ere, baina 10 bidaietako edo 7 eguneko bonuak Donibane Lohizuneko geltokiaren aurrean dagoen bulegoan edo hornitzaile-sarearen saltokietan erosi behar dira – hornitzaileak.

Amarrutxo bat – eguneko prezioa berdina da bakarrik zein beste lau lagunekin joanda, batera bazoazte betiere: 5 € 24 ordu, 10 € astea. Prezio bikaina benetan! informazio gehiago


Zer aldatu da?

Leku guztietan berdin ordaintzen duzu! 1 € Donibane Lohizunen, Hendaian eta gainontzeko herrietan.

Amarrutxo bat: merkeago lortu nahi? Bonu bat erosi: hilean 20 euro ordainduta, bidaia mugagabeak izango dituzu. Eta are hobea dena, lanera joateko sarea erabiltzen baduzu, % 50 murrizketa (10 € hilean) izango duzu zure enpresaren eskutik – bonua online erosi 

Ohiturak galtzeko beharrik ez! Donibane Lohizunen ere, Itzulia linea aurkituko duzu, aldaketatxo batzuekin. Era berean, Hendaian 4 eta 5 lineek Uribil autobusen linea berdeen eta urdinen ibilbideak egiten dituzte, aldaketa batzuekin. Erlaitza linea 20 linea bilakatzen da, eta Sarara eta Senperera doazen lineek 21 eta 22 zenbakiak hartzen dituzte.

Paisaia berriak ezagutu! Hemendik aurrera, hainbat lekutara autobusez joan zaitezke, hala nola Ahetzera eta Arbonara. Gainera, Biarritzera (geltokia) zuzenean joan zaitezke, baita muga gurutzatu ere (Irun, Behobia).

Amarrutxo bat – Goazen muga gurutzatzera! 4 linea Irungo erdigunera iristen da (ezin hobea Mendibilgo merkataritza zentrora joateko), eta 5 linea, berriz, Behobiako bentetara. Bi lineak Hendaiako auzo guztietatik ateratzen dira zuzenean. 

Orain, garraio-eragile bakarra dago, sare bakarra, eta doako laguntza-telefono bakarra ere bai: 0 800 891 891.


Zehaztasun gehiago nahi?

Linea gehienek egunero zirkulatzen dute, igandeak barne.

Nola irits naiteke Donibane Lohizunera?

1, 2 eta 3 lineak Donibane Lohizunera eta Ziburura heltzen dira. 1 linea orduan behin igarotzen da gutxi gorabehera, 7:00etatik 21:00etara.

Nola irits naiteke Hendaiara?

4 eta 5 lineak orduan behin igarotzen dira gutxi gorabehera. Irunera iristen dira, eta Irunbus eta Lurraldebus sareekin konexioa dute (Hondarribira heltzeko aproposa dena, batik bat).

Eta nola joan naiteke gainerako herrietara?

  • Hendaia eta Donibane Lohizune artean, Transports64 konpainiako 816 lineaz gain (Hendaia-Baiona 2 €-tan), 20 linea Urruñatik eta Abadiatik pasatzen da.
  • 21 eta 22 lineak Azkainera, Sarara eta Senperera iristen dira, baita Ainhoara ere (Dantxariaraino).
  • 23 lineak Donibane Lohizune eta Biarritzeko geltokia konektatzen ditu, Getariatik, Ahetzetik eta Arbonatik igarota.
  • Azkenik, 24 linea Urruñara doa, Oleta auzora.

Kontuz! Baliteke 21 eta 24 lineetan aurreko egunean bidaia erreserbatu behar izatea, 0 800 891 891 doako telefonora deituta.

Zer da TAD? Nola funtzionatzen du?

Linea batetik urrun bizi bazara, bidaia erreserba dezakezu, zure helmugara heltzeko. Nahierako garraio-zerbitzua da, eta autobus-bidaia arrunt baten prezio berdina dauka. Zonalde bakoitzean, zerbitzua astean bitan erabil daiteke, 9:00etatik 17:00etara, zure etxetik sareko puntu zehatzetara joateko – informazio gehiago

Hegobus sarea 2016aren amaieran plazaratuko dugun ibilbide-kalkulatzailean sartuko da. Laster, zure bidaiak modu errazean prestatu ahal izango dituzu, bai eta Hego Lapurdiko Hiriguneko txokorik ederrenak ezagutu ere.

, , , , , , , , , , , , , , , , , , , , , ,

Aparkaleku,Autoa

Hondarribian aparkatzea

19 abu , 2016  

aparca_hondarribia

Non aparka dezaket?

Udalak bi gune nagusi ezarri ditu. Aparkaleku arautuak dira, eta ordainpekoak astegun guztietan, 10:00etatik 20:00etara:

  • “Hondartza” gunea, eta, zehazki, Ramon Iribarren, Foru eta Minatera kaleak.
  • “Portua” gunea, eta zehazki, San Pedro, Santiago, Matxin de Artzu, Bernat Etxepare, Domingo Egia, Beleztarren Markesa, Irailak Zazpi, Itsas Argi, Arrantzale Auzoa, Zuloaga, Almirante Alonso, Axular eta Bidasoa kaleak.

Kontuan izan, tarifak homogeneoak badira ere, modalitateak desberdinak direla, batez ere gehienezko aparkatze-denborari dagokionez. Seinaleetan eta lerroen koloreetan ikus daiteke hori.


Zenbat balio du?

TAO duten guneetan, tarifa hauek aplikatzen dira:

  • 10 minutu: 0,20 €
  • 25 minutu: 0,50 €
  • 49 minutu: 1,00 €
  • 1 ordu eta 37 min.: 2,00 €
  • 10 ordu: 12,40 € (gehienezkoa)

Makinetan ibilgailuaren matrikula-zenbakia sartu behar da, eta txartela ibilgailu barruan utzi, leku ikusgarri batean.

Amarrutxo bat: autoa utzi, eta, esaterako, jatetxe batean bazkaltzen ari zarela konturatzen bazara ez duzula diru nahikoa sartu, parkimetrorik hurbilenera joan eta diru gehiago sar dezakezu, lehenbiziko aldian erabili duzun makina izan ez arren. Matrikula-zenbakia sartu eta diru gehiago bota baino ez duzu egin behar. 


Eta bestelako garraiobide batean joan nahi badut?

  • ibai-ontzia portuan uzten dizu, erdigunetik oso gertu: sartu
  • Lurraldebus konpainiaren hiriarteko autobusek ere erdigunean uzten zaituzte (batez ere E25 linea, Iruneraino iritsi eta 20 minutuan behin ateratzen dena): sartu

, , , , , , , , , ,

Bloga

Transfermuga #enModeBasque !!!

1 abu , 2016  

blog_enmodebasque

Eguzkia bueltan dugu euskal kostaldeetan, eta, harekin batera, gure lurraldeak eskaintzen dituen paisaia ederren bila datozen turistak ere bai. Nola ez, guztiek ezagutu nahiko lituzkete surf-gunerik onenak, bertakoei kafea edan bitartean goizean hartutako olatu bikainei buruz hitz egiten entzunda… baina ez da horren erraza!


Turismo-informazio

Surfa praktikatzeko gunerik onenak aurkitzen laguntzea erabaki dugu, lehen mailako laguntzaile baten eskutik: Departamenduko Turismo Batzordea. Alde batetik, Transfermuga proiektua hasi genuenetik Departamenduarekin batera aritu garelako, eta, bestetik, lan izugarri ona egiten dutela uste dugulako. Haien webgunearen bitartez (www.paysbasque-tourisme.com), Euskal Herria ezagutzeko edo berraurkitzeko informazio guztia lor dezakezu, surf-gune ezagunenei zein ezkutuenei dagokienez ere.

blog_enmodebasque_2

“Passez en mode basque” (“Euskal modura pasatu”) mundu osoko turistei luzatutako gonbidapena da. Izan ere, aurki daitezkeen jarduerak azpimarratzeko modu ezin hobea da, horien artean nabarmentzekoak direlarik:

Baina, batez ere, webgunea aparteko tresna da jarduerei eta ostatuei buruzko informazio osatua aurkitzeko, Euskal Herrian oporraldia prestatze aldera:

Bestalde, bideo bat erakutsi nahi dizugu. Interneten oihartzun handia izan du, ia 500.000 bisita lortu baititu: Bideoak mundu osoan ezagutarazi du Euskal Herria, bai eta tokiko publikoa erakarri ere.


Garraio-informazioa

Gure aldetik, Transfermuga.eu-rekin lankidetzan, lan berarekin jarraitzen dugu, garraio-eskaintzei buruzko informazio ahalik eta gehien emateko asmoz (bizikleta, trena, autobusa, auto partekatua…). Eta udarako, zenbait iradokizun egin nahi dizkizugu:

  • PassEusk txartelarekin, Transports64 konpainiaren hainbat autobus-linea erabil ditzakezu, eta Hendaian edo Irunen Topoarekin lotu. Joan-etorriak 5 € baino ez ditu balio.
  • Hendaiako geltokian, Topoa hartu nahi baduzu, SNCF geltokian dauden makinetako batean txartela erosi, eta bertan itxaron beharko duzu lasai. Irteera-ordutegiak ere han dituzu, baita prentsa-kiosko bat ere, eta, gainera, Topoa itxaron bitartean kafetxoa har dezakezu (‘03ean eta ‘33ean ateratzen da). Trenean iritsi bazara, gogoratu PassBask txartelarekin TER+Topo nahi beste aldiz erabil dezakezula 48 orduz, 11 € soilik ordainduta.
  • Baionatik edo Biarritzetik Donostiara joan behar baduzu eta azkar iritsi behar baduzu, Alsa eta Pesa konpainietara jotzea gomendatzen dizugu: ordubete (Baionatik) edo 45 minutu (Biarritzetik) Donostiara iristeko… eta aparkatu beharrik ez! Txartelen prezioa 7 edo 8 € inguru da, eta, hortaz, benetan merezi du. Baionan, Euskaldunen plazatik irteten dira, eta Biarritzen, berriz, Floquet hiribidetik edo aireportutik.
  • Donostiara iristean, udalak eskaintzen duen bizikleta elektrikoen zerbitzua erabil dezakezu. Ziurrenik ez duzu Bardet-en mailara iristea lortuko (bigarrena izan da 2016ko Frantziako Tourrean), baina aukera emango dizu hiria eta bertako gainak ezagutzeko. Eta oraindik ere indarrekin bazabiltza, Angelun eta Baionan berdina egin dezakezu; baina, oraingo honetan, laguntza elektrikorik gabe.
  • Autoa nahitaez eraman behar baduzu, aholkatzen dizugu kanpoaldeko aparkalekuak erabil ditzazula (doakoak dira) eta autobus-sareez baliatuta hurbil zaitezela erdigunera (hemen dituzu geolokalizazio guztiak)
    • Halle d’Iraty aretoan (Biarritz), Biarritzeko erdigunera joateko.
    • Minervan (Angelun), doako autobusetan hondartzara joateko.
    • Ficoban (Irun), Topoa hartu eta Donostiara joateko.
    • Loiolan (Donostia), erdigunera joateko.

Beraz, Transfermuga.eu eta Paysbasque-tourisme.com webguneetan ematen dizkizugun aukerekin, orain ez duzu aitzakiarik Euskal Herriko txoko guztiak ez ezagutzeko!

  

, , , ,

Bloga,Portaila,Proiektua,Gehiago (...)

LEHENBIZIKO BALANTZEA

31 uzt , 2016  

BilanData

Urtebetez martxan egon ondoren, bazen garaia gure bidaiarientzako informazio-atariaren lehenbiziko balantzea egiteko. Zein da helburua? Gure erabiltzaileak hobeto ezagutzea, gure edukiak hobetu ahal izateko – sartu


Udako hilabeteak (hau da, uztaila eta abuztua) bereziki garrantzitsuak dira gure atarian. Izan ere, gure helburuetako bat da informazioa bilatzen duten turista ugariei laguntzea. Gure webgunean uztailean zehar izandako trafikoaren balantzea egin nahi izan dugu, eta 2015ean eta 2016an izandako erabilerekin erkatu – sartu

Aireportuak,hegazkin

“Biarritz Pays Basque” aireportua

30 uzt , 2016  

image

Zer helmuga daude? Biarritz Pays Basque aireportuak (code AITA : BIQ • code OACI : LFBZ) aukera ematen du Hirigunetik europar hiriburu askotara bidaiatzeko.- sartu


Non dago? Aireportua Aturriko Euskal Kostaldeko Hirigunearen Erkidegoan dago. – sartu


Nola iritsi?

  • Badira talde-garraioko hainbat linea Biarritzeko Aireportura iristeko, mugaren hegoaldetik abiatuta. Esaterako, ordubete baino gutxiagoan Irun edo Donostira hel zaitezke, eta Bilbora eta Iruñera ere joateko aukera daukazu.- sartu

Informazio gehiago. Hemen, informazio gehiago aurki dezakezu, ordutegiei, aparkaleku-zerbitzuari eta beste hainbat gairi buruz. – sartu


 

, , , , ,

Autobus geltokia

Distantzia-luzeko autobus geltokia

10 uzt , 2016  

photo_car_alsa

Lurralde osoa hartzen duten hainbat autobus-konpainia daude, baina guztiek ez dituzte geraleku berdinak egiten.

More…

, , , , , , , , , , , , ,

Bloga

Bisitatu Euskadi autobusez

10 uzt , 2016  

tranfermuga imagen basklink

Transfermuga.eu-k euskal kostaldeko garraioari buruzko informazio osoa eskaintzen du. Gaur gaurkoz informazio hori Baiona eta Donostia bitarteko garraiora mugatzen da baina epe laburrean lurralde-eremu handiagoa har dezan lanean ari gara. More…

, , , , , , , , , , , ,

Tren geltokiak

Irungo geltokiak (Renfe / Euskotren)

23 eka , 2016  

gare-Irun

Irun-Ficoba: Euskotrenek Ficoban duen geltokia Irungo Kongresu Zentrotik (Iparralde hiribidea) eta Santiagoko bentetatik gertu dago. 900 leku dituen aparkaleku bat dauka, eta doakoa da 8:00etatik 22:00etara (22:00etatik aurrera ere irten daiteke) – geolocalizazioa / sartzeko mapa


Irun-Kolon: Euskotrenen Irun-Kolon tren-geltokia Irungo erdigunean dago (Kolon pasealekua). Hainbat hiriko eta hiriarteko (Lurraldebus) garraiobide daude bertara iristeko – geolokalizazioa / sartzeko mapa


Irun-Renfe: Irungo nazioarteko tren-geltokia Kolon pasealekutik gertu dago ere (Geltokiko kalea). Espainiako leku guztietarako bidaiak eskaintzen ditu, distantzia labur eta luzeko eta abiadura handiko trenen eta hainbat autobus-konpainien (Alsa…) bidez – geolokalizazioa / informazioa

, , , , , , ,

Tren geltokiak

Donibane Lohizune-Ziburuko geltokia (SNCF)

20 eka , 2016  

gare-st-jean-luz

Tren-geltokia erdigunetik gertu dago, Passicot Komandantearen etorbidean. Autobus-geltokiarekin konektatuta dago, eta doako aparkalekua dauka,

, , , ,

Tren geltokiak

Miarritzeko geltokia (SNCF)

20 eka , 2016  

gare_biarritz

Tren-geltokia erdigunetik urrun dago. Harausta auzoan dago, Moura etorbidean.

Handik, 15 minututan iristen zara erdigunera autobusez

, , , , , ,

Tren geltokiak

Baionako geltokia (SNCF)

20 eka , 2016  

gare_bayonne

Geltokia hiri-erdigunean kokatuta dago, Pereire plazan. Hiriko eta hiriarteko garraiobide publikoekin irits daiteke bertara.

Handik, 10 minutu baino ez daude erdigunera oinez

, , , , , , , , , , ,

Tren geltokiak

Amarako tren-geltokia (Euskotren, Topo)

20 eka , 2016  

mode_train_topo

Amarako tren-geltokia (Euskotren) Donostian dituen 4 geltokietako beste bat da. Hirigunean kokatuta dago (Easo kalea). Garraiobide publiko guztiekin konektatuta dago – geolokalizazioa

, , , , , ,